دیل سئچین

"‌قیریم‌داکی حربی فعالیت‌لرینیزی دوردورون!"

qirim

اویان نیوز:  کیئو، موسکوایا بیر دفعه داها “‌قیریم‌داکی حربی فعالیت‌لرینیزی درحال دوردورون” دئدی. اوکراینا باشباخانی آرسنی یاتسئنیوک “روسیانین تحریکلرینه بویون ایمه‌یه‌جییک‌” دئدی.

روسیانین قیسا مدت اؤنجه اوکراینایا ۶ مین عسگر داها گؤندردیگینی ایفاده ائدن ساوونما باخانی دا، اوردونون حاضیر اول! دورومونا گئچیریلدیگینی آچیقلادی. اوکراینا ساوونما باخانیلیغین‌دان داها اؤنجه وئریلن آچیقلامادا “بعضی رادیکال گوج‌لر، قیریم‌داکی حربی بیرلیکلریمیزه قارشی عملیات حاضیرلیغیندا‌” دئییلمیشدی.

روسیا ایسه گلیشمه‌لری قایغی ایله ایزلدیگینی ایفاده ائده‌رک “قیریم‌داکی گلیشمه‌لر، کیئوده‌کی اوست سویه دایره‌لرین، یاریم آدادا ثابت‌لیگی بوزما آرزوسونو اورتایا قویور” دئدی. اؤته یاندان قیریم‌ین روسیا طرفداری یئنی باشباخانی سرگئی آکسئنوو، بؤلگه‌دکی عسگر و پلیس‌لره یالنیز اؤز امرلرینه بویون ایمه‌سی تعلیماتی وئردی.

قیریم‌داکی ۲ هاوا لیمانی ایله ایله‌دیشیم مرکزی دونن روس عسگرلری اولدوق‌لاری ایره‌لی سورولن سلاح‌لی شخص‌لرین کنترولونا گئچمیشدی. اوکراینا قایناق‌لاری، حربی بیر هاواآلانینین دا روس عسگرلری‌نین کنترولونا گئچدیگینی بیلدیردی. روس عسگرلری‌نین، بیر اوچاق‌ساوار مرکزینی ده اله گئچیرمه‌یه چالیشدیق‌لاری بیلدیریلدی. گئجه ده ۸ روس یوک اوچاغی قیریما ائندی.

بو آرادا، قیریم‌دا یاشانان سون گلیشمه‌لر، رفراندوم تاریخی‌نین اؤنه آلینماسینا سبب اولدو . رفراندوم داها اؤنجه آچیقلاندیغی کیمی ۲۵ می‌ده دئییل ۳۰ مارس‌دا ائدیله‌جک .

بو گلیشمه‌لر یاشانارکن بیرلشمیش میللت‌لر تشکیلاتی‌نین امنیت شوراسی مطبوعاتا قاپالی بیر توپلانتیدا اوکراینا‌داکی گلیشمه‌لری اله آلدی. اوکراینانین دایمی نماینده‌سی یوری سرگی‌یئو، قیریم‌داکی روس حربی گوج‌لری‌نین چئکیلمه‌سی اوچون شورانین موسکوادان دوغوردان طلب ائتمه‌سی لازیم اولدوغونو ایفاده ائتدی و “لازیم اولدوغوندا اؤزوموزو ساووناجاق گوجوموز وار” دئدی.

قایناق: ت ر ت تورکی

یوروم یازین

Back to Top