دیل سئچین

ایلقار مؤذن زاده نین تبریزین ایطلاعات ایداره سیندن تئلفون ائتمه سی‌

ilqar muezinzade

اویان نیوزا اؤزل: ۲۰ گون خبرسیزلیکدن سونرا دونن ایلقار مؤذن زاده تئلفون ائده رک تبریزین ایطلاعات ایداره سینده اولدوقوندان خبر وئردی.

اویان نیوز موخبیرینین راپورونا گؤره، چرشنبه آخشامی ۱۳۹۲ خوردادین ۷ سی‌ خیاو شهریندن اولان آذربایجانلی مدنی فعال ایلقار مؤذن زاده، عایله سینه تئلفون ائده رک تبریزین ایطلاعات ایداره سینده و سالیق دورومونون یاخشی اولدوقوندان خبر وئردی. ایطلاعات مامورلاری بو مدنی فعالین عایله سینی قورخوداراق ” ایتیهام لارینا اعتیراف ائتمه دیی زامانا قدر ایطلاعاتین سورقولاماسی آلتیندا قالاجاغ” دئیبلر. بو مدنی فعالین عایله سی‌ ائولادلارینین ایتیهاملارینین نه‌‌ اولدوقونو سوروشدوقلاریندا ایطلاعاتین مامورلاری ” ایلقار بوتون ائله دیی ایشلره اعتیراف ائتمه لیدیر” جاوابینی وئریبلر.

دئیلمه سی‌ لازیمدیر کی‌ آذربایجان مدنی فعالی ایلقار مؤذن زاده چهارشنبه ۱۸ اردیبهشت ۱۳۹۲ خیاو امنیت گوجلری طرفیندن توتوقلانیب و تبریز ایطلاعات ایداره سینه آپاریلیبدیر.

دئیلمه سی‌ لازم دیر کی‌ ایلقار مؤذن زاده نین توتوقلانماسی آذربایجان وطن داشی خالیده خالد آذربایجان میلی‌ بیلیم آکادمیسی انیستیتوسونون عضوی و اونون کؤمکچی سی ایله ارتباط دا اولدوغو سؤیله نیر.

خاطیرلاتیلمالیدیر کی‌ ایلقار مؤذن زاده خیاو اینقیلاب محکمه سی‌ طرفیندن نیظاما قارشی تبلیغات آپارما ایدعا سی ایله ۹ آی‌ تعزیری زیندانا محکوم اولوبدور.

“اویان نیوز”و قایناق گؤستره رک بو خبر پایلاشیمیندا بیر معذرت یوخدور.

سابقه خبر اویان نیوزدا:

ایلقار مؤذن زاده نین سالیق دوروموندان هئچ بیر خبر یوخدور

ایلقار موذن زاده نین توتوقلانماسیندان تکمیلی خبر

ایلقار مؤذن زاده نین قارداشی احسان مؤذن زاده آزاد اولدو

یوروم یازین

Back to Top