دیل سئچین

تبریز ده 6 آذربایجان مدنی فعالی توتوقلاندی

asiq

اویان نیوزا اؤزل: دونن گئجه تبریز ده ۶ آذربایجان مدنی فعالی توتوقلاندی .

اویان نیوزون راپورونا گؤره، ۱۰ اوردیبهشت ۱۳۹۲ سه شنبه گونو امنیت گوجلری تبریزده آلتی آذربایجان مدنی فعالینی توتوقلادی. توتوقلولار آراسیندا ۲ آذربایجان وطنداشی دا واردی. خالیده خالید (آذربایجان وطنداشی)، شاماخ(آذربایجان وطنداشی)، آشیق عیسی قاراخانلی، فرهادی بی، امیرهادیان و اوختای رشیدی آذربایجان مدنی فعاللاری امنیت گوجلری طرفیندن توتوقلانیب و بیلینمز مکانا آپاریلیبدیر.
آرتیریلمالیدیر کی خالیده خالید و اونون کومکچی سی شاماخ ایکی آذربایجان وطنداشی، یازار، شهریار تانییان و بیرلیک یازار انجومنینین عوضوی؛ یازار و مدنی فعال عیسی قاراخانلی؛ یازار و مدنی فعال فرهادی بی و هابئله آزاد بیلیم یوردو اؤیرنجی سی امیر هادیان و تبریزلی مدنی فعال اوختای رشیدی (محممد) اوختای رشیدی نین آتا ائوینده توتوقلانیبلار.
آذربایجان مدنی فعاللاری، اوختای رشیدی نین آناسینین دوغوم گونو موناسیبتی ایله همده آنالار گونو اولدوغو اوچون بو مدنی فعالین آتا ائولرینه گلمیشدیلر.
خاطیرلاتیلمالیدیر کی امنیت گوجلری اوختای رشیدی نین آتاسینین ائوینه هوجوم ائده رک ۳ ساعات ائو آرامالاریندان سونرا اوختای رشیدی یه عایید اولان بوتون کیتاب و بیلگی سایار کیسینی اؤزلری ایله آپاریبلار.

یوروم یازین

Back to Top