دیل سئچین

تبریز: عایله لرین توتوقلانان مدنی فعال لار حاقدا کی‌ خبرسیزلیقی دوام ائدیر

xebersizliq

اویان نیوزا اؤزل: تبریزده توتوقلانان ۶ آذربایجان مدنی فعالینین توتوقلانمالاریندان ۴ گون گئچمه سینه باخمایاراق هله هئچ بیری عایله لری ایله ارتیباط قورا بیلمه ییبلر.

اویان نیوزون راپورونا گؤره، تبریزده توتوقلانان ۶ آذربایجان مدنی فعالینین توتوقلانمالاریندان ۴ گون گئچمه سینه باخمایاراق یئرلری و سالیق دوروملاری ایله ایرتیباطدا هئچ بیر خبر یوخدور و هئچ بیری عایله لری ایله تماسا کئچه بیلمه ییبلر.
راپورا گؤره، پرشنبه ۱۱ اوردیبهشت ۱۳۹۲ تبریز دادیستان موعاوینی هاشیم زاده توتوقلولارین توتوقلانما سببینی بیلمه دیینی و گئدیب داها یاخشی اؤیرنه جه یینی توتوقلولاردان بیریسینین عایله سینه سؤیله ییبدیر. عدلی مسئوللارین توتوقلولارین توتوقلانما سببی و دوروملاری حاققیندا تضادلی سؤیلملری توتوقلولارین عایله لرینده کی‌ نیگرانچیلیقینا آرتیرمیشدیر. دئییلمه لیدیر کی‌ توتوقلولاردن بیریسی اولان عاشیق عیسی قاراخانلی نین ۴ یاشیندا کی‌ اوشاقی آتاسی ایله بیرگه یاشادیقی اوچون چوخ صبیرسیز و حالینین یاخشی اولمادیقی سؤیله نیر.
خاتیرلاتیلمالیدیر کی‌ خالیده خالد یازار، شهریار تانیان، آذربایجان میللی‌ بیلیم آکادمیسینه باقلی نیظامی گنجوی ادبی انیستیتوسونون عضوی و آذربایجان یازارلار بیرلیک انجومنینین تانینمیش ادبیات سیمالاریندان و اونون قارداشی شامخال؛ یازار و مدنی فعال عیسی قاراخانلی؛ یازار و مدنی فعال فرهادی بی و هابئله آزاد بیلیم یوردو اؤیرنجی سی امیر هادیان و تبریزلی مدنی فعال اوختای رشیدی (محممد) اوختای رشیدی نین آتا ائوینده توتوقلانیبلار.
بو راپوردا چیگننن حوقوقی دوروملار:

آنا یاسانین ۳۲ اینجی اصلی‌ و ۱۲۷ اینجی جزا محکمه ماده سی‌: ایتیهام ایدعاسی ایله توتوقلانان توتوقلو، محکمه عدلی مسئوللار طرفیندن ۲۴ ساعت ایچینده توتوقلانما سببینی و ایدعا ائدیلن گوناه بللی ائدیلمه لیدیر.

آنا یاسا جزا محکمه سینین ۲۴ اینجی ماده سی‌ : عدلی قووه لر بللی گوناه اولمادن هئچ کسی‌ توتوقلایا بیلمزلر و یا دورومو محکمه یه بیلدیرمه لری لازیمدیر.

بیرلشمیش میللتلر سؤزلشمه سینین ۱۷۳/۴۳ ساییلی و ۱۹ اینجی اصلی‌: توتوقلو و زیندان دا اولان شخصین اؤزللیکله عایله سی‌ ایله گؤروشمه و دانیشما حاققی واردیر.

بشر حوقوقونو قوروما و قانونی‌ آزدلیقا سایقی چرچیوسینده اولان یاسانین ۵ اینجیی ماده سی‌: هرّ بیر توتوقلو مامورلار واسیطه سی‌ ایله عایله سینه خبر وئرمه حاققینا صاحیبدیر.

یوروم یازین

Back to Top