دیل سئچین

"دده قورقود داستانی" فیلم اولور

dede qorqud

اویان نیوز: آذربایجان جمهور باشقانی ایلهام علیئو، “دده قورقود داستانی” نین سریال فیلم ائدیلمه‌سی اوچون ایش باشلاتدی.

اویان نیوزون TRT تورکی دن آلدیغی معلوماتا گؤره، دده قورقود داستانی فیلمی‌نین چکیلمه‌سی اوچون فرمان ایمضالایان علیئو، لازیم‌لی ایشلرین ائدیلمه‌سینه یؤنلیک مدنیت و مالیه باخانلیق‌لارینا تعلیمات وئردی.

ایمضالادیغی قرارنامه‌ده “دده قورقود داستانی”نین آذربایجان مدنی میراثین‌دا اهمیت‌لی یئر توتدوغونو ایفاده ائدن علیئو، قهرمان‌لیق‌لارلا دولو کئچمیشی بو گونه داشییان داستانین، میللی شخصیتین فورمالاشماسیندا بؤیوک رول اوینادیغینی قید ائتدی.

داستاندا تورک دیلی‌نین بیتمز توکنمز آچیقلاما ایمکان‌لاری‌نین توپلاندیغینی کؤچورن جمهور باشقانی علیئو، آذربایجان تورک‌لرینه عاید اسکی عنعنه‌لرین و اجداد‌لارین دونیا گؤروشونون یئر آلدیغینی ایفاده ائتدی.

۱۰۱۵-جی ایلین “کیتابی دده قورقود”ون علم دونیاسینا تانیدیلماسی‌نین ۲۰۰. ایل دؤنومو اولدوغونو خاطیرلا‌دان علیئو، داستانین، گنج نسلین وطن‌پرورلیک روحو ایله اؤیردیلمه‌سینی قیمت‌سیز رولو اولدوغونا دقتی چکدی.

دده قورقود داستانی‌نین فیلملشدیریلمه‌سی اوچون آذربایجان جمهور باشقانی بودجه‌سین‌دن ۱ میلیون مانات ( ۱،۲۸ میلیون دو‌لار) مدنیت و توریزم ناظرلیگینه وئریله‌‌جک.

یوروم یازین

Back to Top