دیل سئچین

زیندان مسئوللاری حسن ارک -ین سالیق دورومونون اینجه لنمه‌سینه‌ قارشی چیخدیلار

hesen-erk(2)

اویان نیوز : چرشنبه ۱۱ اردیبهشت ۹۲ بئل فیتیقیندان (دیسک کمر) راحاتسیز اولان آذربایجان میللی – مدنی فعالی حسن ارک -ین(علی حاج‌ابولو) زیندان ائشیگینده بیر سالیق مرکزینه گؤتورولمسینه بیر نئچه اینجی سفر اولاراق زیندان مسئولاری طرفیندن مانع توره دیلدی.

اویان نیوز-ون هرانا دان آلدیقی خبره گؤره، بو مدنی فعالین یاخینلاریندان بیریسینین هرانا خبر آژانسینا وئردیقی بیلگی یه گؤره، جیسمی دورومو چوخ آجیناجاقلی اولدوقونا گؤره مسئوللار بیله رک بو مدنی فعالین خسته خانایا گئتمه سینه ایجازه وئرمیرلر.

قزته جی‌ و آذربایجان مدنی فعالی حسن ارک تبریزین قوم تپه محله سینده اورمو گولونون یئنی‌ دن قاباقکی دوروما گتیریلمه سی‌ اوچون چاره تاپما توپلانتی سیندا ۲۸ آذربایجان میللی – مدنی فعالی ایله بیرلیکده توتوقلانیب و بیر آرایا توپلانما، امنیته قارشی گوناه ایشلمه ایدعاسی ایله بیر ایلی بئش ایل آسیلی اولارق توپلام ایکی ایل تعزیری حبسه محکوم اولوبدو.

بو مدنی فعال بوندان قاباقدا تبریزین ۱۰۶ اینجی جزا محکمه سی‌ طرفیندن ایران دینی لیدری و دوغو آذربایجان ایتنیظامی گوجلرینه ایفتیرا آتما ایدعاسی ایله ۵۰ قامچی شاللاقا محکوم اولموشدو.

یوروم یازین

Back to Top