دیل سئچین

شئیر گجسینده قاراداغ زلزه‌له‌سی قوربانلارینین خاطره‌سی آنیلیب

اویان نیوز: اؤتن گونلر ۲۰۱۲-جی ایلین آوقوستون‌دا شرقی آذربایجان ویلایتینین قاراداغ بؤلگه‌سین‌ده باش وئر‌ن زلزه‌له قوربانلارینا کؤمک اوچون آذربایجان‌لی شاعرلر، مد‌نی فعاللار، طلبه‌لر و هابئله زلزه‌له بؤلگه‌سین‌دن اولان میللت وکیللرینین ایشتیراکی ایله تهراندا تورکجه شئیر گئجه‌سی کئچیریلیب.

تدبیرده زلزه‌له بؤلگه‌سین‌ده یئرلشن ورزیقان شهرینین ایران پارلامئنتینده‌کی دئپوتاتی آللهوئردی دهقانی و اهر شهرینین کئچمیش دئپوتاتی غلامحسین مسعودی ریحان اؤز چیخیشلاریندا زلزه‌له‌دن تقریباً ۷ آی سونرا بؤلگه‌ده یاشایان خالقین هله ده بیر چوخ چتین‌لیکلرله اوزلشدیینی قئید ائدیبلر.

ائلوغلو، ائلدار موغانلی، سعید موغانلی، اکر‌م نججاریو آلما موغانلی کیمی شاعرلر و سولدوز موسیقی قروپونون چیخیش ائتدیی مراسیمده ایشتیراک‌چیلاردان زلزه‌له بؤلگه‌سی اهالیسی اوچون ایانه توپلانیب.

ژورنالیستلر، هابئله آللهوئردی دهقانی کیمی آذربایجانلی میللت وکیللری، ایران حکومتینی قیشین سویوغوندا زلزه‌له قوربانلارینی کیفایت قدر قوروماماق‌دا گوناهلاندیریبلار.

قاراداغ بؤلگه‌سی، قارلی-شخاتالی قیشی و کسکین سویوق هاواسی ایله تانینیر.

۲۰۱۲-جی ایل آوقوستون ۱۱-ده قاراداغ‌دا باش وئره‌ن ۶،۲ بال گوجون‌ده زلزه‌له نتیجه‌سین‌ده رسمی ایستاتیستیکایا گؤره ۳۰۶ نفر اؤلموش، خسارت آلمیش ۴۰۰-دن آرتیق کندین ۶۵-ده ایسه بوتون ائولر داغیلمیشدی.

یئرلی ژورنالیستلر و بیر نئچه آذربایجانلی دئپوتات رسمیلر طرفیندن یاییلان ایستاتیستیکایا شوبهه ایله یاناشاراق، زلزه‌له نتیجه‌سین‌ده دیمیش ضررین قات-قات آرتیق اولدوغونو بیان ائدیبلر.

آمریکا سسی

یوروم یازین

Back to Top